El 2 de setiembre abre’l plazu pa la solicitú del Kit Dixital a les empreses d’ente 3 y 10 emplegaos al traviés de la sé electrónica de Red.es col oxetivu de meyorar la competitividá y del so nivel de madurez dixital. El plazu pa presentar les solicitúes va caltenese abiertu 12 meses. La cuantía del bono ye d’hasta 6.000 € por concesión, procedentes de los fondos Next Generation.
Na próxima convocatoria del Segmentu II inclúyense dos categoríes nueves; Marketplace y Presencia avanzao n’nternet, que se van sumar a ‘sitiu web y presencia básica n’internet’, ‘comerciu electrónicu’, ‘xestión de redes sociales’, ‘xestión de veceros’, ‘business intelligence y analítica’, ‘xestión de procesos’, ‘factura electrónica’, ‘servicios y ferramientes d’oficina virtual’, ‘comunicaciones segures’ y ‘ciberseguridá’. Pa la categoría ‘sitio web y presencia básica n’internet’, agora ye necesariu incluyir l’alta del dominiu mientres un plazu mínimu de doce meses, que demuestre que’l beneficiariu ye’l titular y que’l sitiu nun foi adquiríu anantes del desenvolvimientu de la solución.
N’AlNorte somos axentes dixitalizadores del KIT DIXITAL. Consulta’l nuestru catálogu de soluciones sovencionables, que toma los servicios comentaos, como la creación d’una páxina web, comerciu electrónicu y/o xestión de redes sociales, según otros servicios y ferramientes d’oficina virtual y ciberseguridá, y les dos últimes categoríes añedíes tocantes a Marketplace y Presencia avanzada n’Internet.
